Oasis Bureau ta ofresé su servisionan na tur empresa chikí i mediano ku ta buskando un persona pa enkargá di nan atministrashon i pa tene e bukinan di nan empresa. Dor di laga Oasis Bureau hasi e trabounan aki na un preis rasonabel, abo komo empresario por konsentrá riba loke ta importante pa bo i pa bo negoshi. Dor di usa sistemanan di kontabilidat den cloud, nos por sòru pa bo bukinan ta kla na tempu i di un manera kosto-efisiente.
Servisionan di atministrashon i tenementu di buki
Raportahe di e estado finansiero di e empresa
Servisionan di pago di salario
Servisionan pa prosesá pago
Asuntunan di impuesto
Oasis Bureau ta un ofisina di atministrashon ku ta spesialisá den mantené e bukinan di bo empresa. Nos ta tene bo bukinan tur luna enbes di warda té na di fin di aña pa hasi esaki. E motibu ta pa hasi abo, e empresario, kapas pa trata ku kualke problema ku por surgi durante aña mas pronto ku ta posibel. Esaki ta skapabo tempu i ta dunabo kòntròl pa mantené bo empresa salú i aktivo. E ta hasibo kapas pa duna informashon vital na e personanan di interés den bo kompania i pa plania e futuro di bo empresa. Abo, e empresario, lo ta kapas pa manehá e aerianan tan esensial ku ta pone bo negoshi prosperá.
Kontratá un persona pa enkargá di bo administrashon i bukinan nunka promé tabata asina fasil!
Kon nos ta operá?
Tur luna Oasis Bureau ta revisá i registrá tur entrada i gastunan di e empresa (kuenta di banko, gastu di credit card i transakshon di fiansa). Despues di kontrolá e informashon aki nos ta hasi un rekonsiliashon di tur kuenta en kuestion. Oasis Bureau ta ofresé e empresario detayenan finansiero pa medio di raportáhenan di informashon. E informashon aki ta wòrdu adaptá na e nesesidat di e empresario p’asina e komprondé su situashon finansiero aktual i manehá e negoshi ku éksito. Si ta nesesario, nos por hasi deklarashon di impuesto i kontestá kualke pregunta ku surgi tokante e análisis i raportáhenan mensual.Oasis Bureau ta disponibel pa yuda bo empresa, sea ku bo tin mester di nos servisionan algun ora pa dia, algun ora pa siman òf algun ora pa luna. Nos ta traha huntu ku bo na bienstar di bo empresa.E servisionan ku nos ta ofresé na momentu ta wòrdu nombrá den e lista ku ta bini, pero si tin kualke otro nesesidat atministrativo, tuma kontakto ku nos libremente i nos lo hasi tur loke ta na nos disposishon pa yudabo. E servisionan ku Oasis Bureau ta ofresé ta lo siguiente:
- Tene, mantené, kontrolá i koregí tur kuenta finansiero
- Duna informashon finansiero di e empresa, sea ta mensual òf un bes pa aña.
- Asuntunan fiskal
- Deklarashon di impuesto manera deklarashon di Abb i impuesto di salario
- Atministrashon di salario
- Serviso di pago
- Dunamentu di konseho i asistensia ku kualkier pregunta tokante e bukinan di e empresa
Servisionan di atministrashon i tenementu di buki
Kolektá tur faktura i tur prueba di pago via di banko i atministrá tur montante di entrada ta ehèmpelnan di tareanan diario ku ta rekerí tempu di e empresario. Oasis Bureau ta ofresé pa hasi un trabou di kalidat pa un preis rasonabel i asina hasi e empresario su man liber pa dediká su oranan na e aktividatnan prinsipal di su negoshi.
Raportahe di e estado finansiero di e empresa
Raportáhe finansiero ta esensial pa bo determiná si e kompania ta salú. E raportáhenan aki por mustra kualkier menasa i oportunidat ku por influensiá e kresementu di e empresa. Nos ta krea raportahenan profesional i ku ta brinda bo e kriterio nesesario pa yudabo manehá bo empresa. Alabes raportáhenan por yudabo spar sèn i/òf lográ akumulá mas entrada. Raportahenan finansiero ta un nesesidat pa tur empresa.
Servisio di salario
Atministrá e sueldo di un trahadó korektamente ta esensial pa e felisidat di e trahadó. Ademas e empresario lo mester keda altanto di leinan di impuesto, leinan di seguro sosial i otro lei i regulashonnan di e país. Tur esaki ta tuma tempu i esfuerso. Tin bes e proseso aki ku ta kambia regularmente por ta asta frustrante pa e empresario. Sinembargo Oasis Bureau ta ofresebo su servisionan i konseho tokante kada un di e aerianan di regulashon aki.
Servisionan pa prosesá pago
Oasis Bureau por prepará i aprobá pago di faktura (na momentu ku e empresario duna pèrmit pa esaki). E pagonan por wòrdu hasí riba e dia di kanselashon òf riba e dia ku e empresario ta deseá. Nos ta hasi transakshon di banko, transakshon ku diferente valuta i pago di suèldu. Nos por hasi kualke pago di impuesto na outoridatnan òf otro transkashonan den akuerdo ku abo, e empresario.
Asuntunan di impuesto
Si akaso bo ta bira nèrvioso na momentu di entregá bo deklarashon di impuesto, Oasis Bureau por yudabo ku e tarea aki. Nos sa ku un simpel deklarashon tin bes ta rekerí varios página di formulario. E instrukshonnan tin bes ta lanta mas pregunta ku nan ta duna kontesta. Pero e kalidat di servisio i konseho ku lo bo risibí serka nos, ta yudabo komo empresario pa entregá bo deklarashon di impuesto trankil i sin niun preokupashon.
Tuma kontakto ku nos
Sra. R. Josephina - Christina
info@oasisbureau.com
+599 786-8054
Kaya Jiwiri 1 , Bonaire CN
